અપ્રમાણસર મીલ્કતો વસાવ્યા અંગેનો કેસ

વડોદરા શહેરના ચીફ ફાયર ઓફીસર વિરૂધ્ધ રૂ. ૪૪,૮૪,૮૦૫/-

અપ્રમાણસર મીલ્કતો વસાવ્યા અંગેનો કેસ

આ કેસના આરોપી હિતેશકુમાર જશવંતસિંહ ટાપરીયા, ચીફ ફાયર ઓફીસર, નાઓની રાજ્ય સેવક તરીકે ની ફરજો તથા ગુપ્ત તપાસ દરમ્યાન આક્ષેપિતનો ચેક પીરીયડ સને. ૧૯૯૫ થી માહે. ૧૦/૨૦૧૩ સુધીનો ગણવામાં આવેલ જેમાં પગારની કુલ ચોખ્ખી પગારની આવક રૂ. ૩૪,૦૪,૧૨૨/- જેમાંથી ૩૦ ટકા રસોડા ખર્ચ બાદ કરતા કુલ આવક રૂ. ૨૩,૮૨,૮૮૫/- મકાનની લોન રૂ. ૨,૫૦,૦૦૦/- કારની લોન રૂ. ૩,૦૦,૦૦૦/- પી.એફ. ઉપાડની આવક રૂ. ૮૯,૦૦૦/- ગવર્નમેન્ટ સર્વન્ટ ક્રેડીટ સોસા. લોન રૂ. ૩,૦૦,૦૦૦/- એલ.આઇ.સી. માંથી લીધેલ લોન રૂ. ૫,૭૭,૫૧૦/- મહાનગર સેવાસદન અમ્પ્લોય કો.ઓ.સોસા. માંથી લીધેલ લોન રૂ. ૧,૦૦,૦૦૦/- તમામ સ્ત્રોતોની આવકો મળી કુલ રૂ. ૩૯,૯૯,૩૯૫/- ચેક પીરીયડ દરમ્યાન કાયદેસરની આવકો ગુપ્ત તપાસમાં જણાઇ આવેલ છે.

 આક્ષેપિતની તમામ સ્ત્રોતોની આવક કુલ રૂ. ૩૯,૯૯,૩૯૫/-  થયેલ જેમાંથી કુલ રૂ. ૨૩,૦૮,૭૪૩/- નો ખર્ચ બાદ કરતા રૂ. ૧૬,૯૦,૬૫૨/- ની સંભવિત બચત રહેવા પામે છે. આક્ષેપિતે ચેક પીરીયડ દરમ્યાન પોતાના નામે તથા પત્નીના નામે સ્થાવર/જંગમ મિલ્કતોમાં રોકાણ કરેલાનુ તેમજ બેંકોમાં પોતાના નામે તેમજ સંતાનોના નામે કુલ રૂ. ૬૧,૭૫,૪૫૭/- રોકાણ કરેલાનુ ગુપ્ત તપાસ દરમ્યાન જણાઇ આવેલ છે. જેમાંથી તેઓની સંભવિત બચત રૂ. ૧૬,૯૦,૬૫૨/- બાદ કરતા રૂ. ૪૪,૮૪,૮૦૫/- ની અપ્રમાણસર મિલ્કતો ગુપ્ત તપાસ દરમ્યાન મળી આવેલ છે. 

આમ આક્ષેપિત હિતેશકુમાર જશવંતસિંહ ટાપરીયા, ચીફ ફાયર ઓફીસર, ,  વર્ગ-૧, અગ્નિ શમન અને તાત્કાલીક સેવાઓ દાંડીયા બજાર, વડોદરા મહાનગર સેવા સદન વડોદરા નાઓએ માહે ૦૧/૧૯૯૫ થી માહે ૧૦/૨૦૧૩ સુધીના ચેક પીરીયડ દરમ્યાન રાજ્ય સેવક તરીકેની કાયદેસરની ફરજો દરમ્યાન ભ્રષ્ટ રીત રસમો અપનાવી પોતાના રાજ્ય સેવક તરીકેના હોદ્દાનો દુર ઉપયોગ કરી ગુનાહિત ગેરવર્તણુક આચરી લાંચીયાવૃત્તિ થી  પોતાના અંગત લાભ ખાતર ગેરકાયદેસરનો અવેજ ધ્વારા નાણાં મેળવી તે નાણાં માંથી પ્રાથમિક દ્દષ્ટ્રીએ પોતાની કાયદેસરની આવકના સ્ત્રોત કરતા વધુ રુ. ૪૪,૮૪,૮૦૫/- જે આવકના પ્રમાણમાં ૧૧૨.૧૩ ટકા નુ સ્થાવર/જંગમ મિલ્કતોમાં અપ્રમાણસરનુ રોકાણ કરેલ છે.  

   જેથી ઉપરોકત વિગતે આરોપી વિરૂધ્‍ધ ભ્ર.નિ.અધિનિયમ - ૧૯૮૮ની કલમ૧૩(૧)(ઇ) તથા ૧૩(ર) મુજબ આરોપી હિતેશકુમાર જશવંતસિંહ ટાપરીયા, ચીફ ફાયર ઓફીસર, વર્ગ-૧, અગ્નિ શમન અને તાત્કાલીક સેવાઓ દાંડીયા બજાર, વડોદરા મહાનગર સેવા સદન વડોદરા,વિરૂધ્ધ શ્રી સરકાર તરફે કે.વી.સોલંકી પો.ઇન્સ. વડોદરા શહેર એ.સી.બી. પો.સ્ટે. વડોદરા નાઓએ ફરીયાદ આપતા વડોદરા શહેર એ.સી.બી. પો.સ્‍ટે. ગુ.ર.નં. ૦૧/ર૦૧૪ થી ગુનો દાખલ કરવામાં આવેલ છે. આ ગુનાની વધુ તપાસ  શ્રી એસ.પી.કહાર, પો. ઇન્સ. વડોદરા શહેર એ.સી.બી. પો.સ્ટે., વડોદરા, નાએ  હાથ ધરેલ છે.  

(કે.બી.ચુડાસમા)

મદદનીશ નિયામક,વતી

લાંચ રૂશ્‍વત વિરોધી બ્‍યૂરો,

મુખ્‍ય મથક, ગુ.રા., અમદાવાદ

ભરૂચ જીલ્લાના નાયબ મામલતદાર રૂ.૧૦૦૦/- ની લાંચ સ્‍વીકારતાં એ.સી.બી.ના છટકામાં ઝડપાયા

ભરૂચ જીલ્લાના નાયબ મામલતદાર  રૂ.૧૦૦૦/- ની લાંચ સ્‍વીકારતાં એ.સી.બી.ના છટકામાં ઝડપાયા

               આ કામના ફરિયાદી શ્રી, ધર્મેન્દ્દસિંહ પ્રવિણસિંહ પરમાર, રહે. રાજપુત ફળીયા, ઝગડીયા તા.ઝગડીયા જી. ભરૂચએ તા. ૨૭/૦૧/ર૦૧૪ ના રોજ પો.ઇ.શ્રી પી.એચ.ભેસાણીયા, ભરૂચ એ.સી.બી પો.સ્‍ટે.નાઓ સમક્ષ પોતાની ફરિયાદ હકીકત જાહેર કરેલ કે, પોતાના વડીલોપર્જિત ખેતીની જમીન ઝગડીયા ગામની સીમમાં આવેલ જે પૈકીની જમીનોનો તેઓના ભાઇઓ વચ્ચે વહેચણી થયેલ જેમાં ફરીયાદીના ભાગે બ્લોક નં. ૧૫૬(અ) તથા ૧૫૬(બ) વાળી જમીન આવેલ તેમજ ફરીયાદીના ભાઇ શૈલેન્દ્દસિંહના ભાગે બ્લોક નં. ૨૨૩ પૈકી ૧, તથા ૨૨૩ પૈકી-ર તથા ૨૨૩ પૈકી-૩ ની જમીનો આવેલ સદર જમીનો સયુક્ત માલીકીની હોય તેમાં ફરીયાદીના મા-બાપ તેમજ બન્ને ભાઇઓના નામે ચાલતી હોય આ જમીનો ઉપરથી ફરીયાદીના મા-બાપ તેમજ ફરીયાદી તથા તેમના ભાઇએ એક-બીજાની જમીન ઉપરથી હક્ક ઉઠાવી લેવા અંગેની કાર્યવાહી ધારા ધોરણ મુજબની કરી તે અંગેની નોંધ પંચાયત દફતરે કરવા સારૂ ગ્રામ પંચાયત ઝગડીયાના તલાટીશ્રી મારફતે કાયદેસરની કાર્યવાહી કરાવી થયેલ કાગળો મામલતદારશ્રી ઝગડીયા નાઓની કચેરીમાં આપવામાં આવેલ અને આ અંગે જરૂરી કાર્યવાહી થતાં ઉપરોકત સર્વે નંબરોવાળી જમીનો ઉપરથી હક્ક ઉઠાવી લેવા અંગેની કાર્યવાહી અંગે ફરીયાદીએ તા.૨૩/૧૨/૨૦૧૩ ના રોજ ઝગડીયા મામલતદાર કચેરીમાં આવેલ ઇ-ધરા કેન્દ્દના જનસેવા કેન્દ્દ ઉપર કોમ્પ્યુટર રાઇઝ નકલો કઢાવી ખાત્રી કરતા ફરીયાદી તથા તેમના ભાઇઓના નામની એકબીજાની જમીન ઉપરથી હક્ક ઉઠાવી લેવા અંગેની કાચી નોંધ- ૩૭૦૩ તથા ૩૭૦૪ થી તા.૨૫/૧૧/૨૦૧૩ થી કરવામાં આવેલ હોવાની હકીકત જણાઇ આવેલ પરંતુ એક માસ જેટલો સમય થવા છતાં પાકી નોંધ થયેલ ન હોય પાકી નોંધ કરાવવા સારૂ આક્ષેપિત મોહનભાઇ પટેલ, નાયબ મામલતદાર, ઝગડીયા નાઓને મળતા આક્ષેપિત મોહનભાઇ પટેલે જણાવેલ કે હમણાં ધણુ કામ છે પરંતુ તમારૂ કામ થઇ જશે તેમ કહેતા ફરીયાદીએ કહેલ કે કાચી એન્ટ્રી થઇ ગયેલ છે. મારૂ કામ જલ્દી કરી આપો તો સારૂ તો આક્ષેપિત મોહનભાઇ પટેલે કહેલ કે તમે વહેવારમાં તો કંઇ સમજતા નથી જેથી ફરીયાદીએ કહેલ કે શું વહેવાર કરવાનો? તો આક્ષેપિત મોહનભાઇ પટેલે જણાવેલ કે પાકી એન્ટ્રીનું કામ કરાવવું હોય તો તમારે મને રૂ. ૧૦૦૦/- વહેવાર પેટે આપવા પડશે.તેમ જણાવતાં આપી જવા જણાવી વાયદો કરેલાની ફરીયાદ જાહેર કરેલ 

          ઉપરોકત ફરિયાદ આધારે પો.ઇ., ભરૂચ એ.સી.બી. પો.સ્‍ટે.નાએ બે રાજય સેવકોની પંચ તરીકે મદદ મેળવી, એ.સી.બી. ટ્રેપીંગ પાર્ટીના માણસોને સાથે રાખી, હકીકતથી વાકેફ કરી, તા. ર૭/૦૧/ર૦૧૪ ના રોજઝગડીયા, મામલતદાર ઓફીસમાં આવેલ મહેસુલ શાખામાં ભરૂચ ખાતે લાંચના છટકાનું આયોજન કરતાં, લાંચના છટકા દરમિયાન આક્ષેપિતે પંચ-૧ રૂબરૂ ફરીયાદી સાથે લાંચ બાબતે હેતુ લક્ષી વાતચીત કરી પંચ સાહેદની હાજરીમાં આક્ષેપિત મોહનભાઇ પટેલે ફરીયાદી પાસે લાંચના રૂ. ૧૦૦૦/- માંગી પોતે બેસેલ ટેબલના ડ્રોવરના પહેલા ખાનામાં મુકી, લાંચ માંગી સ્‍વીકારતાં ગોઠવેલ લાંચના છટકામાં ઝડપાઇ જવા પામેલ છે.

          જેથી ઉપરોકત આરોપી મોહનભાઇ ડાહ્યાભાઇ પટેલ, નાયબ મામલતદાર, મહેસુલ મામલતદાર કચેરી, ઝગડીયા જી. ભરૂચ વર્ગ-૩ ભરૂચ વિરૂધ્‍ધ ભ્ર. નિ. અધિ.-૧૯૮૮ની કલમો ૭, ૧૩ (૧) (ઘ) તથા ૧૩(ર) મુજબની જોગવાઇઓ હેઠળ ભરૂચ એ.સી.બી પો.સ્‍ટે. ગુ.ર.નં. ૦૧/ર૦૧૪ થી ગુનો દાખલ કરી, ઉપરોકત ગુનાના કામે આરોપીને તા. ર૭/૦૧/ર૦૧૪ ના કલાક ૨૩/૧૦ વાગ્‍યે અટક કરવામાં આવેલ છે. આ ગુનાની વધુ તપાસ પો.ઇ.શ્રી જી.ડી.પલસાણા, એ.સી.બી. ફિલ્ડ વડોદરા એકમ વડોદરાનાએ હાથ ધરેલ છે

                                                                              (આર.કે.મકવાણા)

   મદદનીશ નિયામક,

લાંચ રૂશ્‍વત વિરોધીબ્‍યૂરો,

                                                                          મુખ્‍ય મથક, ગુ.રા.,